| 有些事情過去了就沒有機會重來一次，只能夠說買了一個教訓，這點我是知道的。 但有些事如果可以再來一次，我會怎樣做﹖ 由細到大，媽咪都教我們做好人，為人設想，你對人好，別人一定對你好的。講真我以前一直相信、相信人性本善。就算被人出賣仍覺得別人是有苦衷的，情有可原的。 但世界一早變了，是自己固執不變。 13年友情經不起考驗，一封大學推薦信早已勝於一切，一個大話編你一個機會。但我相信有實力終會進入理想學府，她這麼有需要就讓給她吧。只是這樣失去一個朋友覺得可惜，以前被利用掩飾她拍拖、被她媽媽罵成代罪羔羊，她自己飛人要我代說分手仲要被飛叉等等事情也煙消雲散。 出來做事，以為自己盡心盡力，為公司打拚，有廘自然香。結果還是非一堆、做細既玩野唔做野一早想炒佢，但諗住佢就黎結婚就算、無謂令事情去到最差的局面，令到別人不開心。就這樣又給別人一個機會組織聯盟，興風作浪到一發不可收拾。都算了，反正這種老公司一做就一世，不宜久留，我也不想鬥。是清高、不夠狠、是膽小還是道行不夠高，不是做主管的材料﹖！ 到今天我仍是這樣工作，所有豬頭骨都吃了，個個放假都是我做，你話唔做的我又要做，一個大學生變了幼稚園生，小學生都不如。如何努力也是原地踏步、更有點退步，我得到甚麼﹖！我想做甚麼﹖開始迷茫了....... 爾虞我詐真的是今時今日的生存之道嗎﹖世界可否簡單點！ |
| |
| 出來工作都一段時間了，對於某類人有甚麼特質其實也見怪不怪。 但有種男人如此冇料、喜歡耍手段、口沒摭欄、佔公司便宜、同事便宜仲可以撓埋手坐經理位，真係忍唔住想大巴大巴煎佢。但這種人之可以上位，亦都要有昏庸的人做就才事成。 我從來沒想過一個經理╴仲要係男人係走廊到講幾句話唔識呀、好煩呀！就可以唔駛做Headcount BUDGET。仲可以點個HR Assistant 做，當然要HR 個上司居然配合先離奇。 然後一大場堆ADMIN唔係好叻、唔識打中文、要翻譯好煩、唔夠人手等理由，多項F&B既工作由HR做，這都是奇聞。而佢同個秘書就可以準時拍下個屁股就閃左。永遠第二天就話"真係唔好意思呀，我冇諗過你地要做到咁夜，如果我知道我一定趕你地返屋企。" 我都好想用掃帚趕佢走! 這種蕉人真係食蕉大。 佢係我見過咁多個F&B Manager 最不知所謂一個╴口賤、人品有限、所謂既Proposal 連大學一年級生都好過佢。幫佢做翻譯時其實都為我帶來不少娛樂，人地賣既係traditional 我地賣既係original dessert ，其實佢知唔知自己賣咩﹖個selling point係邊﹖如果老闆咁都 buy 真係老人痴呆！ |
| |
| 曾經以為忘記了，但在心中原來仍佔了一個位置。 差不多有5-6年沒有聯絡了，突然通話，感覺奇怪。 到底一直視而不見的，今天為何突然踏出一步談起話來﹖ 是心血來潮突然想說﹖還是甚麼﹖你的思維我從不理解！ 而那對話卻又是那麼無味，平淡得如從沒有認識一樣！ 人是不是就那麼奇怪，就是不安於生活平靜而要無風起浪﹖ 但身邊發生的事實在太多了，實在沒辦法再去兼顧其他。 讓過去的感情都變成回憶，你可以選擇忘記甚至刪除，一切都是你的選擇。 而我選擇在這個懶洋洋的下午進行大掃除，然後趟在這舒舒服服的家一睡！ |
| |
| 原來要經營一個家真係要一個精算師同慳家王先得。 自問過去幾年都唔合格，不懂理財，見到不是太貴的就心思思地不自覺買了。 雖然那一刻真係好開心，但係想到望住本簿仔沒有多少進帳時，就真係要認真想想將來想要一個安穩的家，還是到時才捱。 既然在這個經濟狀況下不能開源，就只好想節流。 不要再出太多街吃飯，盡量自己煮啦，最多洗下碗。 那些可以自已洗既衫就自己洗，自己熨，不要再拿去乾洗了。 那些衣服要好好保養，不要心思思又買。 那些無謂的袋，自問沒有多少個肩膀，不要再買來襯衫了。反正只是揹返公司，不須見人。 那些無謂的裝飾品，雖然價錢便宜，但積少成多，反正只得10隻手指、一條頸，有多一兩件替換便可以。 有朋友說過要狠狠的慳才可儲錢，而儲錢期只是得黃金幾年時間，如果有小朋友時，想儲也不可以了。我已錯過了幾年，希望不會太遲，我們要努力，為將來美好的生活進發。 |
| |
| 好期待呀！ 7月開始我又會返學了，今次是讀人力資源。這個為期2年半的課程又會狂密集式下進行，希望讀完後我的前途又有一番新景像啦！ 嘻嘻！在讀的過程中唔知道會否有新驚喜呢﹖ 我都有差不多4年沒有返學了，做功課的Format 都差不多忘記了。請大家多多指教! |
| |
